फोटोको ब्याकग्राउण्ड हटाउने फ्री एपहरु

त्यस्तो परिस्थिति कहिलेकाहीँ आइपर्छ जब हामी कुनै फोटो खिच्छौँ, आफ्नै वा अरूको वा जेसुकैको, तर त्यसको ब्याकग्राउण्ड चाहीँ राम्रो हुँदैन वा आपत्तिजनक हुन्छ वा जेसुकै कारणले त्यस्तो ब्याकग्राउण्ड तपाईँ हटाउन चाहनुहुन्छ । तर तपाईँलाई त्यसको आइडीया नहुन सक्छ ।

धन्दा नमान्नुस् । हामी तपाईँलाई त्यस्तो ब्याकग्राउण्ड सजिलै हटाउन सकिने एपहरूको बारेमा यहाँ केही चर्चा गर्दैछौँ जुन प्रयोग गर्न पैसा पर्दैन ।

फोटोर (Fotor)

फोटोर एपले तपाईँको फोटोको ब्याकग्राउण्ड हटाउने, स्टिकर हाल्ने, आफ्नै छुट्टै फोटो सिर्जना गर्ने जस्ता कामहरू निकै सजिलै गर्छ । त्यति मात्र हैन, यसले एआइको प्रयोग गरेर स्वचालित तरिकाले ठ्याक्कै ब्याकग्राउण्ड मात्र हटाउन सक्छ ।

यसको प्रभावशाली एआइ ब्याकग्राउण्ड ईरेजरले फोटोमा भएको मान्छे वा जनावर वा कुनै वस्तु स्वत: थाहा पाउँछ र आफै सजिलै हटाइदिन्छ । तपाईँले कुनै दुख गरिरहनु नै पर्दैन ।

त्यसको साथै यसको एआइ प्रविधिले मान्छेको कपालको रौँ, जनावरको रौँ जस्ता स-साना कुराहरू समेत सहजै खुट्याउन सक्छ र तपाईँले चाहे जसरी नै ब्याकग्राउण्ड हटाइदिन्छ जसले तपाईँको समय र उर्जा बचाइदिन्छ ।