विश्वविद्यालयहरूले स्वीकृत गरेका आइ.टि डिग्री

बीसौँ शताब्दीको उत्तरार्ध र खासगरि एक्काईसौँ शताब्दीमा संसारका धेरैभन्दा धेरै प्रतिभाशाली मानिसहरू प्रविधिको क्षेत्रमा गएको मानिन्छ । एक्काईसौँ शताब्दीको सुरूदेखि नै नेपालमा पनि थुप्रै प्रतिभाशाली मानिसहरू आइटी क्षेत्रमा लागेका छन् ।

आइटी क्षेत्रमा जति अवसर छ, त्योभन्दा बढी प्रतिस्पर्धा । फलस्वरूप यो क्षेत्रमा विभिन्न थरिका फ्याकल्टीहरूको विभाजन भएको छ र विभिन्न विश्वविद्यालयहरूले धेरैभन्दा धेरै उत्कृष्ट फ्याकल्टीहरुको विकल्प दिएर धेरैभन्दा धेरै विद्यार्थीलाई आकर्षण गर्ने प्रयास गरिरहेको छ ।

यस्तो गर्दा विद्यार्थीहरूलाई नै धेरै सजिलो भएको छ किनकि उनीहरू आफ्नो क्षमता, सीप, स्वभाव, सम्भावना इत्यादीको मूल्याङ्कन गरेर वा विज्ञहरूमार्फत् सल्लाह लिएर आफ्नो लागी जे फाइदा हुन्छ वा आफूले जे गर्न सक्छु जस्तो लाग्छ, त्यो फ्याकल्टी छान्न सक्छन् ।

हुन त पछिल्लो दशकमा विश्वविद्यालयको सङ्ख्यामा पनि बढोत्तरी भएको छ तर हामी यहाँ चर्चित् विश्वविद्यालयहरूले प्रदान गरिरहेका आइटी अन्तर्गतका चर्चित ब्याचलर डिग्रीहरूबारे तपाईँलाई जानकारी दिदैछौँ ।